امام ابومحمد بن خَشَّاب نحوی کہتے ہیں : میں جوانی کی حالت میں علم ِ نحو(عربی گرائمر) پڑھا کرتاتھا ۔ میں لوگوں سے حضورِغوثِ پاکرَحْمَۃُ اللہِ عَلَیْہکےدِلنشین بیان کی خوبیاں سُناکرتاتھا ۔ میں اِرادہ کرتاتھاکہ میں آپ کا بیان سُنوں مگراپنے وقت میں وُسعت نہ پاتاتھا ایک دن میں نے پکا اِرادہ کرلیااورحضورِ غوثِ پاکرَحْمَۃُ اللہِ عَلَیْہکی مجلس میں حاضر ہوگیا جب آپ رَحْمَۃُ اللہِ عَلَیْہنے کلام فرمایا : تو میرے دِل کو آپ کا کلام سُن کر مزہ نہ آیا اورنہ ہی میں کلام سمجھ پایا ۔ میں نے اپنے دِل میں کہا میرا آج کا دِن ضائع ہوگیا۔ اُسی وقت حضورِ غوثِ پاکرَحْمَۃُ اللہِ عَلَیْہنے میری طرف متوجہ ہوکراِرشادفرمایا : تیرے لئے ہلاکت ہوتُو ذِکر کی مجلس پر علمِ نحو(عربی گرائمر) کو فضیلت دیتا ہےاور اِس کو اختیار کرتاہے؟ہماری صُحبت اختیارکرہم تجھے(عربی گرائمر کے مشہور امام)سِیْبَوَیْہ بنا دیں گے۔ یہ سُن کرعَبْدُ اللہ خشّاب نحوی نے غوثِ اعظمرَحْمَۃُ اللہِ عَلَیْہکےپاس ہی رہنے لگےجس کا نتیجہ یہ ظاہر ہواکہ آپ رَحْمَۃُ اللہِ عَلَیْہنحوکے ساتھ کئی علوم میں ماہر (Expert) ہوگئے۔ (قلائدالجواھر ، ص32 ، تاریخ الاسلام للذھبی ، 39 / 267)

صَلُّوا عَلَی الْحَبِیْب! صَلَّی اللہُ عَلٰی مُحَمَّد